कार्ल विल्हेम्स शील

(जन्म : ०९-१२-१७४२, मृत्यू : २१-०५-१७८६)
स्वीडनमध्ये पीमेरेनिया प्रांतातील स्ट्नल्सुंड गावी जन्म. बालपण गरीबीत व हालअपेष्टात गेले. लहानपणापासून रसायन शास्त्राची आवड. टार्टरिक आम्ल, चांदीच्या संयुगांवर प्रकाशाचा परिणाम, मँगेनीजची संयुगे, पारा, लोह, तांबे यांचे ऑक्सिडीकरण याविषयी अनेक प्रयोग करून नवे निष्कर्ष प्रकाशित केले. ऑक्सिजन वायूचा शोध शीलेने जोसेफ प्रीस्टलेच्या शोधाचे अगोदर दोन वर्षे म्हणजे १७७२ मध्येच लावला होता, पण या शोधाला वेळीच प्रसिध्दी न दिल्याने त्याचे हे श्रेय हुकले. क्लोरीन, ग्लिसरीन, प्रुसिक आम्ल यांचा शोध त्याने लावला. सतत घातक रसायनाच्या सान्निध्यात प्रयोग करीत राहिल्यामुळे वयाच्या अवघ्या ४५ व्या वर्षी त्याला मृत्यू आला.